林家棟前晚負傷去咗佐敦出席演藝人協會活動，見佢右邊面頰同右手手踭都有損傷，家棟解釋話日前問朋友借咗架小型電單車玩，點知炒車，成個人碌咗落地受傷。 家棟話自己近排忙緊拍杜琪峯嘅電影《神探》，𠵱家傷咗，擔心連唔到戲，但杜琪峯就同佢講：「冇問題，我加番場你碌落坑嘅戲，咁咪交代到你有傷囉。」