廣管局把《秋天的童話》中「仆街」對白列為粗俗字句，要求電視台刪除有關對白，然而早年《大時代》和《流金歲月》，也曾經爆出「仆街」二字，何以廣管局當年未有禁止，到今日才覺得字眼粗俗？15年前在《大時代》中大喊「仆街」的陶大宇，昨日炮轟廣管局雙重標準，對電視行業諸多限制，趕盡殺絕。
上月無綫重播周潤發和鍾楚紅主演的經典電影《秋天的童話》，有市民投訴該片含有粗口，對兒童有不良影響，最後廣管局裁定投訴成立，向無綫作出勸喻，並要求無綫日後播放《秋》片時，把片中周潤發的「你老母」、「仆街」、「隊冧佢」及「躝癱」對白刪去。廣管局今次裁決，惹來各方強烈譴責抨擊，直斥廣管局做法太過專橫，扼殺電影創作。
其實仆街等對白，無綫早在15年前的劇集《大時代》中已出現，在結局一集中，鄭少秋飾演的丁蟹與劉青雲飾演的方展博於股票市場交手，丁蟹在沽期指時遇上方展博唱對台買入一幕，飾演丁蟹二子丁利蟹的陶大宇便曾激動地說了一句：「時代間仆街公司咪係方展博嘅？」
尺度日窄
慨歎拍劇諸多掣肘
去年尾，無綫於深夜時段重播02年劇集《流金歲月》，在第44集內一幕講述林峯飾演的丁善衡發現駱應鈞飾演的二叔丁榮通原來是早前綁架他的主謀，於是立即搖醒被打暈由羅嘉良飾演的丁善本，繼而與丁榮通展開槍戰，當時林峯大喊：「你出嚟呀仆街！」當年《流》劇在黃金時段播出，從未被指對白不雅，廣管局也從未要求無綫刪剪「仆街」，為何現在以馮華健為首的廣管局對「仆街」如此看不過眼？對「仆街」對白會有雙重標準？
陶大宇當年在《大時代》中講過「仆街」對白，對於廣管局禁此字眼出街，他說：「廣管局好唔統一囉，收集好多意見，呢度聽啲，嗰度聽啲，又模稜兩可，𠵱家電視有打PG（家長指引）字眼，但時段唔同講嘅對白又唔同，夜晚8點幾同9點幾雙線劇嘅標準唔同喎，演員拍戲時唔知套戲幾時出街。」
大宇續說：「以前尺度唔同𠵱家，以前好多對白可以出街，冇PG，尺度比較寬。𠵱家呀？舉個例，有場戲話你嚴重撞車，都唔可以將太多血漿搽面，驚俾人投訴血腥，但冇理由炒完車仲靚靚仔仔啩？好多掣肘㗎。我記得好多年前，親眼睇到蝦叔（關海山）講冚家鏟都出到街，所以最重要係睇劇本同時間，我就覺得冇乜嘢。同埋近年有啲市民濫用咗投訴權利，小問題唔需要理會囉，政府話支持拍戲又唔支持，度度都唔畀拍戲，一個公園仔拍嘢都鬼殺咁嘈，咁搞真係趕盡殺絕。」
記憶猶新
林峯：導演話可以講
身在北京錄影節目的林峯，也記得在《流》劇中講過「仆街」，他在電話中說：「句對白係劇本有嘅，當時我有問過導演，質疑呢個字眼講唔講得，導演話得，拍咗先啦，估唔到出街時真係用。呢個字眼當然唔係咁好，要睇劇本嘅橋段，有時對白就住就住會影響場戲，我覺得呢個字眼問題唔大，係可以接受嘅粗言，好難用到第二句代替喎。」
記者昨日致電無綫外事部助理總監曾醒明，問他可認為廣管局有雙重標準時，曾醒明說：「我只係覺得佢哋處理手法倒退，唔能夠與時並進。我哋強烈要求保留原來對白，純粹係想保留片中人物神髓，唔係刻意賣弄粗言穢語。」
採訪：林妃、李全
