黃宇詩、宋芝齡昨日聯同玄學家李丞責和麥玲玲，到將軍澳出席無綫節目《都市閒情》宣傳活動。有報道指麥玲玲向無綫高層曾勵珍出招，結果李丞責的婚宴只得奀星撐場。昨日兩位是非人物碰面，大方合照，李丞責說：「佢（麥玲玲）係我朋友，我唔介意你哋寫，可以幫我哋宣傳吓，佢仲做咗好厚禮畀我，都成五位數字。」麥玲玲即說：「我仲派我心愛嘅老公去恭賀佢㖭！」
拒談舊愛
另外，上月底有雜誌拍得黃宇詩前男友兼鋼琴王子陳雋騫，與林子萱的夜蒲照，又指兩人拍拖逾月，黃宇詩表示：「我只係當偷拍新聞去睇，我都有打畀佢，不過冇問真定假，呢啲做情侶先會問，做朋友唔會去問喇。」
採訪、攝影：王崇穎