除了要動物集體住「籠屋」、打貓打狗，甚至食貓食狗是虐畜外，跟愛犬玩得過火一樣可以是被網民視為虐待行為。一名鐵騎士狗主，疑想操fit愛犬，要愛犬追高速行駛的電單車，結果愛犬未被他玩殘，主人已被網民狂轟黐線，隨時「跑死狗」！
該段名為「臘腸狗仔仔囡囡追電單車」短片，由網民jaiwong上載至YouTube，片段歷時35秒，狗主坐在電單車上拍攝從後追趕的兩隻小臘腸狗，其間不時笑着呼叫「囝囝」和「囡囡」的名字。不過，由於電單車車速很快，小小的臘腸狗早被拋離出鏡頭之外，只有較大的一隻臘腸狗可以勉強追上。
雖然從片段所見狗主似乎是在與愛犬玩樂而非虐畜，但卻遭網民狂轟「無嘢搵嘢嚟玩」。網民benc批評，「咁樣好好玩咩？有冇想過佢哋幾咁驚你丟低佢哋，嗰隻細啲嘅追唔到係幾咁絕望，簡直係搵佢哋對你嘅信任嚟玩！」
質疑臘腸狗會受傷
除了精神虐待外，亦有網民質疑臘腸狗身體會受損傷：「臘腸狗個肚好緊要喎，點可以咁樣跑！」不少網民看過片段後都批評狗主無人性，網民miranda認為要以其人之道還治其人之身，「不如換轉隻狗坐車，叫個主人去追吖！」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]