西班牙國家隊教練阿拉干尼斯，之前話周三輸俾英格蘭願意人頭落地，點知最後又俾佢贏到，確係抵佢牙擦；我求大俠早前預言阿帥周三賽後必定自摑嘴巴，在此鄭重為此言論道歉！呢名耆老周三亦好事成雙，成功打甩咗05年10月指佢以種族語句攻擊法國前鋒亨利嗰壇嘢，西國足總唔知係咪睇見國家隊贏波，有啲偏私，竟然推翻體育紀律小組嘅指控！