近期要喺足智彩度搵餐茶飲吓都唔易，信數據又死，信飛數亦唔掂，咁點算好？都係嗰句：順風者不妨乘勝追擊，否則就忍吓，免得損手爛腳啦！
車路士今季表現褪色，除咗傷兵問題外，改踢防守中場攔截、前線唔夠輸送，入球率下跌係主因。車路士雖則近4場攻入11球兼0失球，況且從96年起佢哋主場對米杜士堡都未輸過，但係8勝當中5場係贏一粒呢！更何況米堡近況唔差，所有賽事加埋已經連續8場不敗。米堡作客成績係差，不過留意輸嗰7場有6場僅輸1球，好少俾對手大炒。與其博米堡可破車仔聯賽57場主場不敗，不如揀番車仔小贏一粒，揀「讓球主客和」嘅「和局」好過。
另一邊廂，曼聯喺26場超聯入咗61球，近兩場仲要大數對手4:0，氣勢一時無兩。查爾頓近期明顯好轉，作客先後擊敗樸茨茅夫同賽和保頓，可惜9年嚟15次對住曼聯都冇運行。首循環主場都輸0:3，今場作客大敗一場絕唔出奇！博曼聯淨勝3球。
阿鵬
有線球彩台主持
電郵：[email protected]