前西班牙國腳文廸達，𠵱家仲喺米杜士堡呆坐，今季只上陣過7次咁大把，佢極可能乘「碧咸風」，投身美職聯掘金！32歲嘅文廸達自高價轉投拉素後，一直衰到𠵱家，加上其半禿髮形，總予人潦倒淒涼嘅感覺；雖然佢同米堡仲有18個月合約，但領隊修夫基親口證實，有美職球會想搵文廸達，求大俠覺得如果佢趁自己仲跑得郁，去美國搵大錢都無妨嘅！