嫁入豪門有苦有樂，好多時看個人造化。前亞姐樂蓓早年嫁給潮州米王之家的林炯偉，她表示與夫婿由拍拖到結婚18年，才在前年高齡產女，是否再生BB則靠天意。前晚樂蓓出席仁愛堂活動時，大晒幸福湊女生活，羨煞同場一班TVB港姐及姐仔。
仁愛堂前晚在中環四季酒店舉行周年餐舞會，以「金曲穿梭半世紀」為主題，大玩50至70年代懷舊，找來張崇基、張崇德和劉雅麗等歌手獻唱舊歌，不少總理及來賓都以復古扮相出席。
展示收身成果
周啓邦夫婦以70年代的白色戀人造型亮相，最為搶鏡，趙雅芝則參考經典優雅女神柯德莉夏萍的打扮，與扮紳士的夫婿黃錦燊恩愛赴會。「潮州米王」林炯偉太太、88年亞姐冠軍樂蓓，自前年高齡誕下女兒後絕迹Ball場，前晚收身成功，穿上黑色大露背tubedress的她，充滿闊太富泰味。
樂蓓說：「我少出嚟因為要湊女，囡囡Natalie𠵱家13個月大，我終於明白到養兒育女嘅期望同壓力，因為我已經開始擔心要幫佢搵學校。」問她會否再生？樂蓓說：「我同老公由拍拖到結婚成18年先生到呢個女，再生就要睇吓個天喇。」潮州人重男輕女，沒有男丁繼後香燈不會有壓力嗎？她說：「冇乜所謂喎，我老公好鍾意女，好錫囡囡。我好享受𠵱家嘅生活，有自己時間，又有工人幫手湊女，幾好。」
邦邦等娶新抱
提到情人節，樂蓓表示現時必定一家三口過節，至於送禮，她說：「老公通常送花，我已經送咗個囡畀佢，獎勵咗，所以唔使送喇。」
此外，周啓邦夫婦被問到兒子周國豐早前公開視女友為結婚對象，兩老都十分滿意，周啓邦說：「佢哋一齊我哋已經好開心，個女仔應該都係好新抱。」
採訪：GeneNg
攝影：ChenWaiOn
