童愛玲發聲明否認婚變

童愛玲早前俾周刊話佢同老公鬧交，又搬離跑馬地寓所，又有報道話佢同年輕男子睇首映，仲拖晒手食雪糕。童愛玲噚日向傳媒發聲明，指有關佢嘅婚姻狀況報道內容全為失實，而食雪糕嘅男人係佢嘅化妝師。童愛玲仲話同丈夫冇講過婚姻有問題，只係唔希望事業同家庭成日被相提並論。童愛玲噚日喺電話回應，話復出只係想專心做嘢，但係再三出現失實報道，所以決定發聲明澄清。