濱崎步將於4月7日嚟香港舉行巡迴個唱，只演一場，噚日正式公開賣飛，反應熱烈，最貴嘅780蚊飛喺今朝10點開售，短短5分鐘內已火速售罄，至於另外兩種票價480蚊同280蚊嘅門票亦都喺三個鐘頭內賣晒。主辦單位東亞娛樂話因為濱崎步冇檔期，而且日本隊crew如果留喺香港會加重製作費，所以應該唔會加場。