已婚嘅龐維仁（右）年前同李嘉欣傳緋聞，最後被對方飛起，雖然俾嘉欣搞到陀陀擰，但又估唔到佢冧老婆都有一手，龐太黃美儀一直對佢不離不棄，前晚仲做埋柴可夫。龐太前晚10點鐘，揸住寶馬房車停喺中環鏞記酒家門外，一個人坐喺車上呆等半個鐘，等到老公離開酒家，先一齊返歸，唔知龐維仁會唔會即刻呵番老婆大人呢？