去年顛倒眾生的Burger熱今年仍未平息，睇睇MOSBURGER今時今日仍出現長長人龍就知有幾厲害！而今次介紹另一間同樣以漢堡包做招徠的McSorley'sAleHouse，佢最近推出多款奇招漢堡，當我們找來多位街坊問意見時，結果令人意外！原來其傳統的招牌包GourmetCheeseBurger反而最受歡迎，這個芝士牛肉漢堡標榜正宗原始漢堡味道，從這次經驗得知，原來大家咁着重基本原始味道，這才是對味覺的真正追求！
記者：林思樂
攝影：陳陶鈞
足料味道正宗
去年在中環開業的McSorley's主打地道愛爾蘭風味，其招牌包GourmetCheeseBurger一向好受歡迎，大廚Alan和Stanley話：「GourmetCheeseBurger咁受歡迎，最重要是足料、味道夠正宗。」全個有12cm厚嘅超巨型漢堡，想一口咬晒就要睇吓個口夠唔夠大。芝麻麵包夠鬆軟，最出色在於塊2cm厚的漢堡牛扒，選用八成瘦肉兩成脂肪澳洲靚牛肉，手製免治，咬落仲有肉汁流出來，加上有清香奶油味的JackCheese，更添滋味！
大搞新意推多國漢堡
Alan和Stanley今年搞個大Project，創作10多款奇招漢堡包，每月推出1款，「我們採用每個國家有代表性的材料整漢堡包，例如法國就用牛角包、泰國就用沙嗲，而且盡量按照每個國家的國慶或國皇壽誕的月份推出。」另外，客人仲可以自選牛扒的生熟程度，個人推介半生熟牛扒好綿好滑。
今月之堡新奧爾良誘惑
卡真雞肉藍芝士漢堡$98
傳統芝麻漢堡麵包夾芝士雞扒，一啖咬落去外層麵包鬆軟，餡料滋味！雞肉以人手攪碎再壓成扒狀，保持肉嫩多汁，惹味藍芝士和清新蔬菜一濃一淡，配搭極之出色！
3月之堡希臘清新健康
羊酪橄欖羊扒漢堡$98
香滑羊酪是希臘菜不可缺少的材料，配以肉汁豐富的手製羊扒，還有外層烤得十分香脆的McSorley's招牌芝麻長麵包，睇到已經想咬落去！
4月之堡德州家鄉風味
綠椒淡芝士牛肉漢堡$98
健康黑芝麻麥包中夾住綠椒淡芝士漢堡牛扒，擁有清淡而多層次的口感！伴碟的炸紫薯片絕不可錯過，厚而香脆，更不油膩，留到最後送酒食一流！
5月之堡日本和風口味
日式照燒雞扒漢堡$98
照燒汁雞扒一聽就知是日本代表，連賣相都貫徹日本簡約風格，最驚喜的是竟然有金菇，金菇吸收了燒汁後惹味而清新。
6月之堡加州陽光朝氣
鱷梨豆芽配切達亁酪牛肉漢堡$98
眾所周知加州人愛健康，所以漢堡包中有鱷梨（牛油果）、大豆芽菜及新鮮沙律，配上香滑芝士牛肉，好Fresh呀！
7月之堡法國浪漫情懷
煙肉布里芝士牛肉漢堡$98
講到法國點少得牛角包，以入口鬆化的牛角包代替漢堡芝麻包，加入蘆笋、香葉、脆煙肉和嫩牛扒，想不到漢堡包都可以有法國菜清雅的神韻。
12月之堡泰國香辣滋味
沙嗲肉汁雞漢堡$98
沙嗲雞肉帶出泰國熱辣的感覺，沙嗲之辣帶有香草薄荷清新，咬落細芝麻包感覺香脆鬆軟，非常開胃！
McSorley'sVSMOSBURGER
McSorley's的招牌漢堡GourmetCheeseBurger咁受歡迎，我們用同樣受歡迎的MOSBURGER摩斯芝士漢堡作比較。在6項比較中，兩者打成平手，不相伯仲。
（左）Ryan：有芝士的漢堡包最好味！
（中）Phil：漢堡包最緊要有牛肉，香口啲！
（右）Mark：我成日都食芝士牛肉漢堡包㗎！
搵食攻略
McSorley'sAleHouse（25222646）
地址：中環伊利近街55號
營業時間：12nn-2am
座位：90個
交通：中環地鐵站D2出口轉左行至皇后大道中，轉右行至半山行人電梯，乘搭至伊利近街轉左。