人有「三衰六旺」，其實球隊都有強弱高低；本欄就專捉今季亞洲盤輸盤輸到怕嘅球隊，當佢哋係「燈」，吼對家下注，希望可以為廣大球迷提供另類參考。
英超肯定係最多球迷關心嘅聯賽，打咗26周，暫時英超黑盤王係韋斯咸；呢支上季假假地打到上第9名，又攞到英足盃亞軍，但而家就淪落到尾3；以亞洲盤計，韋斯咸打咗26場波，輸盤賽事達15場，接近6成輸盤。咁今周係唔係捧韋斯咸對家呢？小弟又唔敢，事關韋斯咸周六主場對屈福特，「屈仔」輸盤率都達48%，衰鬥衰場面，都係唔好掂。
如果季初一路捧德甲嘅漢堡對家，真係夠買車買樓；事關漢堡聯賽打咗20場，輸盤率高達75%；上仗由新教練史堤芬斯領軍，領先1球下，都可以完場前俾哈化柏林入個世界波反勝，真係極之欠運。漢堡今周主場對多蒙特，重夠膽讓平/半，假假地多蒙特作客都贏過雲達不來梅，多蒙特下盤真係有信心。文：牽牛
今周推介
讓球：星期六3多蒙特（下盤）（1.86倍）、星期日23奧沙辛拿（平手）（1.82倍）
混合過關：星期六57尼斯和（2.8倍）x
星期六61荷華高斯勝（3.15倍）x
星期日19基爾馬諾克勝[+1]（2倍）3x4