上次講過有網友投票是否相信世界末日言論，結果係有3成人唔信，咁即係信嘅人都唔少！最近又喺討論區發現一個相關嘅投票Post，叫網友齊齊選出你最唔想見到嘅世界滅亡形式，選擇包括來自外太空、人為及地球本身的自然威脅，例如殞石撞擊、太陽爆炸、同其他行星相撞、全球暖化、洪水、火山爆發、地震、磁場逆轉導致地球進入冰河世紀等等，超過5成網友投票嘅，就係爆發戰爭同核子彈摧毀地球嘞！戰爭問題唔單只貼身，而且仲好殘酷，世界各地每日仍有人發動戰爭，就好似911、英國倫敦地鐵爆炸等等，雖然發生咗好一段時間，但仍然歷歷在目，叫人不寒而慄。就正如網友wrongaccount所言，天災無得控制，但係戰爭係人類一手造成，又會連累無辜，醜惡嘅人類應該檢討吓啦!
記者：小雲
網址： http://www16.discuss.com.hk/viewthread.php?tid=3390498&extra=page%3D1