今周末玩波膽過關〈刀仔鋸大樹〉，先捧周六場合，望英甲聯森林主場開小勝波膽，串法甲聯歐塞爾主場跟聖伊天開熱門1:1和局，再睇下周日西甲聯塔拉戈納喺主場再發威，淨贏奧沙辛拿2:0，3串7過關可也。
聖伊天可摸和搶分
諾定咸森林季中走勢開始下滑，近4場不勝，聯賽就連續3場失分；為保持來季直接升班機會，今輪於主場迎戰下游分子諾咸頓，幾大都趁機會「反底」望納勝軌。事實上諾咸頓已3連敗，不過3場敗仗都係僅負對手，今仗可博森林小勝波膽。
歐塞爾近期續保持主場威力，聯賽主場3連勝，不過今輪所遇對手，為實力分子聖伊天。聖伊天近期客場作賽戰績亦不俗，只輸過畀當頭起嘅馬賽，對住波爾多及朗斯都有能力摸和搶分，是役1:1波膽可靠。
塔拉戈納目前仍排西甲聯包尾，但護級前景仍未必打定輸數，球隊於歇冬後表現尚算有所回勇，對上一場主場賽事，就於聯賽大炒愛斯賓奴4:0，復於上周作客媾和切爾達。該隊今仗對手奧沙辛拿，已經4場冇入波，客場就3連敗，是役主隊稍被睇淡之下，未必無機會開W。
文：華度