吳京在新片《雙子神偷》繼續做打仔，其中一幕要在大廈六樓跳下來，他堅持親身上陣。不過鐵漢也有嫌辛苦的時候，早前吳京在內地醉酒駕駛，被判罰款及監禁10日，他坦言不想重提鐵窗生涯，只埋怨獄中餸菜太鹹吃不慣。
吳京近日忙於宣傳新電影《雙子神偷》，他需要一人分飾兩角，演一對孖生兄弟。要吳京同時演繹兩個人物，並沒有難倒他，反而戲中有一幕六層樓高的跳樓戲難度更高。本來導演安排由替身拍攝，但吳京堅持親身上陣，就算導演收貨他都要求重跳一次，事後他直言已跳上癮。
望傷患復原
吳京認為拍攝打戲比文戲難度更高，他說：「打戲同文戲係相輔相成，我係為戲而打，唔係為打而打，如果只係為打，不如去打擂台比賽算啦。」對於香港的武打明星大部份都向荷李活發展，問他可有期望，吳京說：「我都好希望得到大家認同，即使有機會發展都只係一個開始，唔代表成功，但呢一刻我最想係我嘅傷快啲好番。」
提到吳京早前於內地因醉酒駕駛，而被判罰款及監禁10日，他說：「其實我嗰日只係等司機嚟車我走，不過保安叫我駛開畀其他車出，咁啱就有警察查車，嗰時我真係坐喺司機位，咁我錯就係錯。」對於坐監有何感覺，吳京表示不想多談，但他對膳食卻最為深刻，他說：「饅頭好好吃，餸就比較鹹。」
採訪：王崇穎
攝影：陳慧安
