食一食中文字，雲達不來梅近年對親有個「史」字嘅球隊都無好結果，好似之前聯賽6連勝嘅強勢，就喺上個禮拜衰喺史浩克04手上，主場都輸得0:2；禮拜六鬥另一剋星史特加，一樣惡哽。
雲達不來梅過去4年贏過史特加1次，而球會正值多事之秋，先有首席射手高路斯因傷踢唔到噚日對瑞士場國際賽，禮拜六出唔出得都成問題；中場大將廸亞高仲慘，明明自己無問題，失驚無神被人踢爆佢阿媽幾廿歲仲紅杏出牆，佢阿爸就搵車撞姦夫，認真激，呢單嘢唔多唔少影響廸亞高比賽心情。
對賽有頭威無尾陣
史特加兩連勝後排喺聯賽榜第3，馬里奧高美斯同卡卡奧弗到漏。兩隊波攻力都強，難怪近年對賽多數大手交易。04年和4:4同今季「雲達」輸2:3，都係「雲達」半場領先但最終贏唔到，今次賭波可以吼多瓣「半全場」嘅「客和」、「客主」。
文：藍鑽石