美斯越大越壞？巴塞隆拿新星美斯，被阿根廷傳媒踢爆佢同幾個老死上個月喺家鄉酒吧鬧事，繼而同人開拖群毆，搞到人哋間酒吧變成頹垣敗瓦，𠵱家酒吧老闆就入稟法院索償；雖然美斯嘅代表律師否認美斯參與打鬥，但有目擊證人見到佢事後不顧而去。美斯形象乖仔，求大俠小人啲諗，都唔知係咪俾巴塞班損友帶壞佢，搞到呢名19歲小子越嚟越曳！