黃佩霞夫婿RyanBlair是香港越野賽選手，本周初Ryan爆冷成為「綠色力量環島行」50公里賽冠軍，以4小時3分勝出，可惜黃佩霞錯過丈夫奪標一刻。
錯過衝線一刻
昨日黃佩霞接受電話訪問說：「佢同我講大約跑四個小時，咁我約番時間到場，點知只係遲咗10秒，啱啱錯過佢衝線嗰一刻，真係好遺憾！啲朋友事後仲同我講，成個賽事都好緊湊，頭三小時係由大熱門領先，到最後一個鐘Ryan先追番，最後僅僅贏對方12秒咋，可惜我睇唔到。」
黃佩霞又透露5月丈夫獲TheNorthFace贊助六位數字，參加世界越野賽，但她要照顧女兒及有工作，未能同行做後援。問她可會怕丈夫玩物喪志，她說：「我喺精神上全面支持佢，呢個始終係佢嘅理想，我會鼓勵佢。」
採訪：RitaLeung