全國人大常委會副委員長成思危，上周三喺杜拜接受英國《金融時報》（FT）訪問，傾吓中國經濟有冇過熱，傳媒爭相報道話成副委員長發表「A股泡沫論」，搞到內地股市連埋香港H股跌晒落嚟。又有不少人喺網上炮轟成老嘅泡沫論，仲話明年上海股市可以去到四千點。前兩日成思危親自喺中國嘅《金融時報》發表咗一篇又長又認真嘅文章，詳述佢點解認為內地股市有泡沫，又有論據，又有數據，似乎要為自己嘅言論解畫。
不過，最有趣嘅係成老喺呢篇文章話，FT嘅記者將佢個訪問寫錯咗，《金融時報》中文版繙譯時，又譯得唔夠傳神，引起「泡沫爭論」，話題仲熱過就嚟大結局嘅「爭霸」，佢除咗點名批評，仲順便教埋FT個記者英文。大家可以評價一下中英兩段原文。
英文原文：「Butinabullmarket,peoplewillinvestirrationally.Everyinvestorthinkstheycanwin.Butmanywillenduplosing.」再睇睇中文譯本：「但在牛市行情中，人們的投資相對不理性。每個投資者都認為自己會贏，但許多投資者最終都是輸家。」
成老批評話FT嘅記者將佢講嘅would誤寫成will，佢仲話，FT中譯本冇咗endup（最終）兩個字，唔能夠準確表達佢嘅原意。
為自己擋箭
FT中文網總編張力奮向內地《第一財經日報》表示，經查實，關於「endup」這個細節，FT發表的中文翻譯版本明確提到了「最終」二字，因此忠實地表達了成思危的思想。他又認為，「will」及「would」兩個字的精確用法當然可以商榷，但在文章的語境中，will及would兩個字並不至於引起歧義。華華都睇過中譯本，真係有「最終」呢兩個字，而will同would兩個字嘅歧義亦影響唔到原意。點都好，總之訪問一出街，上海股市就急瀉。華華估，成思危係為自己嘅泡沫論降溫，唔知華華今次寫完，佢又會唔會為華華寫番篇文呢？
[email protected]