前英格蘭國家隊球星畢查周四正式畀澳超球隊FC悉尼炒魷，我求大俠對呢個消息一啲都唔意外；首先佢上年5月接任德國前球星列巴斯基嗰陣，球隊係聯賽冠軍，點知FC悉尼上周季後賽被淘汰衞冕失敗，呢個鑊畢查孭梗！此外，畢查球員時代硬過嚿鐵，𠵱家做領隊死人臭脾氣依然冇改，先後同球員發生罵戰，試問仲有咩理由留低呢？