六千萬六合彩金多寶頭獎又唔係我中，呢個時候，恨不得自己有預知能力，咁就可以得閒買吓六合彩、股票諸如此類，長買長中，不斷袋錢．……喂，醒吓啦喂！呢個雖然係妄想，之但係想擁有超能力，可能冇想像中咁難。話說有網友Post咗一篇關於人類超能力嘅文章，內容係話日本近年好流行超心理學，經過訓練之後，有人可靠念力將高爾夫球桿拗斷，仲可以將電腦的磁性記錄用念力delete晒；而唔少日本小孩更早在五、六歲已開始接受訓練。講就咁講，你信唔信又係一件事，就好似網友hunter008就話呢啲嘢只有幼稚園學生先信，而網友vincenttom就話佢好記得文中提及嗰個可以用念力拗彎金屬湯匙嘅以色列人，Ｎ年前都喺歡樂今宵表演過，仲話如果嗰陣曹宏威博士在場就好啦咁話，確係搞笑！其中又有人想用念力將人哋啲錢拎走，嘩，咁又好似大貪啲噃！
記者：小雲
網址： http://www15.discuss.com.hk/viewthread.php?tid=3372006&extra=page%3D1