護膚品界別
~H2O+膠原綠茶修護眼膜 一星期賣3,000盒
綠茶精華具去黃及淡化黑眼圈之效，100%骨膠原蛋白及高濃度保濕精華則能鎖緊水份，強化及重組肌膚彈性，踢走眼紋亁紋，回復緊緻潤澤。
$440/8對（查詢：22658788）
（左）含5樽100%骨膠原蛋白及40片眼膜（$2,200）只是中size，不少女大學生都是Fans；（右）Kingsize含12樽骨膠原蛋白及96片眼膜（$5,280），小記親眼見唔少客抬住走！
~H2O+專櫃Manda：「因為我哋會即時敷畀客人比較，佢哋試完好有信心，覺得全片含有純Collagen好吸引，高峯期一星期全線賣了3,000幾盒！因為反應好，越來越多人買呢兩桶加大碼返屋企慢慢用！」
mTmCustom-blendedEyeMask 豪客入貨兩萬銀
獨有300種精華配方，加上當歸、酵母、桑樹及椎茸四種針對性精華素，調配出獨有處方，配合100%全天然Collagen眼膜，加倍緊緻，強效保濕。$880/12對（查詢：22657879）
mTm專櫃Cherrie：「未有新處方前已大賣，最近就多了明星撐場，包括張敬軒、楊采妮；甚至某護膚品女代言人都幫襯，不過就叫咗助手幫佢買！另外，自由行及海外旅客會拎住一張掃貨名單，通常都係買眼膜，印象最深刻的客人係一位男士，一次過買20多盒，花了兩萬多元，原來寄畀外國的太太，好Sweet！佢仲即時成為鑽石級會員，𠵱家佢都有Keep住為太太入貨。」
IPSAMETABOLIZERR更生活化保濕液 一日賣40支
極速滲透分子加速水亮複合物迅速滲透肌膚，配合平衡離子配方，即時潤澤角質層，改善粗糙和亁燥；活性緊膚分子促進膠原蛋白更生，肌膚更飽滿緊緻。$350/125ml（查詢：31481448）
IPSA專櫃Sharon：「新出的第六代推出只有三星期，去貨最快嘅係三、四號呢兩款，一轉季就清晒。呢排我哋不斷訂貨，又一城分店最多一日賣40幾支，真係補都補唔切。好多客會一次過買兩支，怕用完買唔切冇得搽！」
KIEHL'S青瓜植物精華爽膚水 斷貨大半年
溫和不含酒精並含多種植物萃取精華的爽膚水，青瓜精華清涼爽膚，甘菊、尿囊素及蘆薈能紓緩肌膚，而金縷梅則可使肌膚柔軟，奇異果精華可抗氧化，集多功能於一身。$100/125ml（查詢：23192018）
KIEHL'S專櫃店員：「Toner通常長賣長斷，青瓜味就曾經斷咗大半年，因為KIEHL'S採用天然成份，如果當時外國收成唔好就製造唔到。所以一旦返咗貨就勁多人買，有啲客人係今朝打來問完，下午就即刻掃幾件貨走！」
LUSH薄荷清爽面膜 隔日又搶貨
含薄荷香氛與多種植物精華，可深層清潔、吸收多餘油脂、去除皮膚老化角質、消炎抑菌，用後皮膚亁爽舒適。$145/325g（查詢：22657257）
LUSH專櫃Yancy：「斷咗成個星期貨，明天應該會補到貨。」小記竟然摸門釘！店員異口同聲說：「呢款面膜係暗瘡剋星，有好多後生女Fans！唔少女仔會同男朋友一人買一罌，因為我哋一星期返一次貨，通常幾日就賣晒，尤其係夏天！有啲熟客前幾日買完一罌，幾日後就介紹朋友一齊來買幾罌，因為怕買唔到囉！」
L'Occitane珍貴高效防曬潤膚乳 新出即有百人排隊
質感輕盈的保護日霜有效對抗色斑、皺紋、暗啞及鬆弛現象，隔絕引致肌膚灼傷（UVB）及細胞受損（UVA）的有害射線。配方含高濃縮蠟菊精華油，令肌膚年輕，膚色明亮均勻。$370/30ml（查詢：22657511）
L'Occitane專櫃Angie：「潤膚乳好誇張，新出就要預留100多支。有次見個客望咗件貨好耐，想介紹畀佢時佢話只係考慮緊買幾多支！我哋啱啱先補番上架，久唔久就斷貨，唔止女士，夏天時都有男士來買，因為質地夠爽。」
BIODERMA水活深層保濕面膜 先畀錢再等都制
應用諾貝爾得獎研究，研製出專利配方Aquagenium，含有PyrusMalus蘋果核精華，能即時提升肌膚水份，注入源源不絕的水份，增加肌膚透明度及彈性，改善內亁外油問題。$420/75ml（查詢：29768888）
BIODERMA專櫃Jessica：「用開保濕呢條Line的朋友，當未有Mask推出時已不斷打聽，因此一推出反應就好熱烈！聖誕節時最多人買，試過今日上架下午就賣晒，賣咗幾多計唔到了。最記得有位女客人一口氣買了五支，加埋其他產品花了萬多元，佢身邊嘅男人一邊畀錢一邊問佢夠唔夠（用）㗎？斷貨時，好多客人主動話先付款或落定，希望啲貨早啲到手！」
SHISEIDO（REVITAL）眼部抗皺修護膜 自由行大力支持
蘊含純維他命A及鬱金精華，能將滋潤的成份及水份深層傳送至每吋肌膚，針對解決由紫外線或亁燥環境引致的幼紋，並可鎖住水份。$430/12對（查詢：28935543）
SHISEIDO專櫃Joey：「新推出時眨吓眼就冇晒，追加之餘又要客人預訂。內地遊客也大力支持，自用之餘也會幫朋友買；亦有好多經常捱夜的大學生Fans，佢哋會打孖咁買，可能係讀書辛苦啩！就算成條Line用晒其他品牌的客人，佢哋話眼膜始終要轉買SHISEIDO。」
ORIGINS白米換膚霜 未開賣先排隊
白米澱粉成份可帶走肌膚壞死細胞及油脂，撫平臉上瑕疵，從而改善皮膚質素、減淡幼紋色斑、收細毛孔、均勻膚色，令肌膚脫胎換骨，光滑如絲。$350/125ml（查詢：25768708）
ORIGINS專櫃Ming：「新推出時好誇張，未正式上架已經排晒WaitingList，多數係睇完雜誌報紙介紹就來報定名。客人貪佢性質溫和，唔會似水晶換膚般刺激皮膚，好多男客人大讚用完暗瘡印淡咗好多，仲一直Keep住用咗幾年。」
CLINIQUE豐盈眼部護理水凝霜 自由行+老外狂擸
全新加倍保濕的眼霜，專為亁燥、敏感人士而設，有效減褪黑眼圈及減輕眼部浮腫，令肌膚保持最高水份的濕潤狀態。$220/15ml（查詢：31019317）
CLINIQUE專櫃Joan：「眼霜一向係王牌，最新呢隻更加厲害，國內遊客會買幾樽派畀朋友，海外朋友會帶幾樽返外國，越來越多人會配埋眼膜一併買來用。」但係當記者要求影相時先知：「唔好意思呀，斷咗成個星期貨，未知幾時返。」好彩仲有Display供影相，不過訂咗貨未拎到手嘅客人就慘啲咯！
粉絲有話兒
Michelle：「我喺CityU返學，最鍾意去~H2O+做facial，特別係眼膜，用完黑眼圈淡咗，少咗好多亁紋。好多同學仔都有買來用，試過同朋友夾錢買一桶大嘅分開來用仲抵啲﹗」
Jan：「用咗無數咁多罌LUSH面膜，屋企人同男朋友受我感染齊齊敷，用後感覺涼爽超亁淨，黑頭同暗粒少咗。男朋友用完都讚好滑好爽！」
Ada：「勁鍾意BIODERMA水活保濕卸妝潔膚水同深層保濕面膜，即使捱完夜用第二日上妝都好貼，亁燥感冇晒，上次買了五支寄畀朋友，今次買畀我自己！」
Katy：「L'Occitane潤膚乳我買過薰衣草同乳木果味，朋友送過玫瑰味畀我，都好鍾意！佢閃閃哋，夜晚出街就啱晒！防曬潤膚乳我有都用開，今次買兩支，幫人買同自用嘅。」
Kit：「同事介紹我用SHISEIDO眼膜，已經用過兩盒，效果好明顯，細紋即時少咗好多！每星期一次也可以Keep到最佳狀態。」
