前NBA球員阿馬治（JohnAmaechi）將喺情人節推出自傳，大爆自己係同性戀者！佢咁勇，即時得到前魔術隊友希爾，同埋「女金剛」娜華蒂露娃嘅支持，讚佢敢做敢認，可以作為同性戀球員嘅榜樣。不過「占士大帝」就話阿馬治應該早啲承認，要互相信任喎!因為隊友之間最緊要坦承；講就係咁，喺運動員呢個男人世界認自已係基，話咁易咩！