混血名模AmandaStrang、貝安琪及CaraG.等，昨日在尖沙嘴為Coach新款手袋作宣傳，時近情人節，幾位靚女都對此話題大表意見。Amanda表示從不熱衷此節日，她說：「啲花又貴，餐廳食飯又貴，買一支花等於平時買兩支，要慶祝嘅話，日日都係情人節。」
Amanda謂要選擇便宜的方式慶祝，她會在家為其意籍男友入廚，並叫男友千萬不要送花。她又透露稍後農曆新年假期，二人會到歐洲滑雪，之後到巴黎探望家人，問到是否見家長，Amanda稱與對方家長早已熟絡，但家人沒有催婚。
收禮要實際
Amanda剛拍完鄭中基執導的賀歲片《心想事成》，對方向來緋聞多多，問到有否追求她？Amanda說：「冇呢啲感覺，佢係一個好導演，令人拍戲好放鬆冇壓力，畀我好舒服感覺。」
此外，貝安琪謂情人節時會到柏林參加影展，時間許可的話會與男友約會慶祝佳節，她說：「我買咗銀包、T恤同眼罩畀佢做禮物，但冇乜特別嘢想佢送畀我。」貝安琪謂跟男友都不是浪漫派，拍拖四年，男友只送過三次花給她，她最難忘的情人節禮物是一部手提電腦，因為可以上網與男友談心。
採訪：顏英儀
攝影：林德雄
