韋斯咸滿懷希望咁簽入中堅厄遜，點知呢名「玻璃人」首場鬥維拉踢咗半個鐘就傷出，𠵱家證實要唞3周，佢連同尼爾齊齊傷出，韋斯咸都算黑到爆咯；球隊暫列尾3，同尾4嘅韋根有成5分差距，最黑仔係厄遜將錯過硬撼屈福特同查爾頓兩場今季最重要嘅護級大戰，預料要到3月初鬥熱刺先復出，如果呢兩場韋斯咸後防有乜差池，厄遜季尾孭硬鑊！