雖然農曆新年仲差兩個禮拜先到，噚日IBM已率先搞個春茗飯局同傳媒拜個早年，兼介紹吓公司最新發展情況。
擲1億美元執行建議
IBM係國際大企業，又係資訊科技界先行者，上年佢哋就利用互聯網嘅威力，搞個全球員工同家屬嘅網上會議，探討公司未來發展路向。據IBM香港總經理唐華講，嗰次網上會議足足開咗72粒鐘，有嚟自全球140個國家逾15萬人參與，總共提出咗4600個意見，包括建議發展三維互聯網、即時繙譯功能等服務。
佢話集團主席SamuelJ.Palmisano好重視有關建議，將眾多建議歸為10大類別，仲話會喺未來幾年擲1億美元落實執行㖭。
互聯網令全球化嘅好處增強，IBM梗要充份利用，好似亞太區嘅業務，採購營運嘅總部擺喺上海，服務發送就喺深圳、上海、大連、成都同印度幾個大城市，會計同顧客服務總部則揀吉隆坡，係典型嘅國際企業現代化營運模式。
[email protected]