西班牙國家隊教練阿拉干尼斯，豪言周三作客英格蘭一旦輸波，足總可即時褫奪其頂上烏紗！今年68歲嘅阿拉干尼斯，一向火爆兼語不驚人誓不休，絕對同年齡唔成正比；阿帥喺06世盃出局後話走又唔走，𠵱家再度放言輸波任人處置，可能佢見到英軍多傷兵，先敢大膽許下如此「空頭支票」。好，我求大俠即管放長雙眼睇佢點樣自摑嘴巴！