周三唯一歐國外賽事，D組聖馬力諾迎戰愛爾蘭。雖然主隊是「魚腩部隊」，但「讓球主客和」愛爾蘭竟「-4」，一於博「主勝」。（球賽編號：星期三11；香港時間明日3:45am開賽）吾中
聖馬力諾目前在D組以0分敬陪末席，踢過3場外圍賽未入過1球卻共失掉25球（見附表），今迎要搶分爭前兩位以出線的愛爾蘭時，可說「打定輸數」。不過，問題是聖馬力諾究竟會否輸多過4球或以上呢？
聖馬力諾活力搭夠
筆者個人覺得未必，雖然國家隊踢有競賽意義賽事，一定較友賽認真，不過聖馬力諾亦希望可以取得歐國外史上的第1分；而且聖馬力諾教練馬沙今役兵行險着，選召大量年輕球員，其中後衞維度利及中場尼基都是首次入選，以為球隊注入朝氣，今役可能「盲拳打死老師傅」。
愛爾蘭屬歐洲2線球隊，更不乏國際大賽經驗，可惜現時青黃不接，領隊史當頓教波亦不見得特別有料，去年10月的歐國外，就作客被另一支弱旅塞浦路斯大炒5:2。
周三訪聖馬力諾時，愛爾蘭亦未能「夫添」，多員主力如前鋒奇雲杜里、後衞卡爾及門將基雲都倦勤，雖然史當頓強調杜夫有機會夥拍隊長羅比堅尼攻堅，但由於杜夫剛傷癒，上周聯賽替「紐記」對富咸時所見狀態成疑。
「讓球主客和」聖馬力諾「+4」，一於敲「主勝」；另博聖馬力諾可在愛爾蘭身上取得入球，取愛爾蘭勝4:1這個有30倍的波膽。