見到網友提起新曆2月4日係今年立春之日，先省起以舊曆曆法來說，新一年亦即係豬年已經到咗！不過就有網友問，既然已經係新一年，咁舊年狗年犯太歲嘅五個生肖，係咪已經脫離衰運，而豬年犯太歲嘅豬、猴、蛇、虎四個生肖就已經犯緊太歲呢？玄學家方海閱就話網友嘅說法係正確嘅，而且依照習俗，立春前應還太歲，立春後則可拜太歲，不過一般人把年初一視為新一年，而忽略了正確的還太歲或拜太歲時機。照咁講，今年立春過咗，仲未還太歲嘅人點算？方海閱話唔使擔心，只要誠心即可；反而係預備拜太歲嘅人，最緊要check晒日曆宜忌，唔好揀同自己生肖相沖嘅日子。另外亦要買由有道行法師手寫的太歲符傍身，一些現成的太歲符只屬印刷品，好鬼兒戲，根本一啲用都冇，咁大家要記住啦！
記者：小雲
網址： http://www12.discuss.com.hk/viewthread.php?tid=3389766&extra=page%3D1