來自深圳嘅譚麗萍憑一張激似樂壇天后容祖兒嘅面孔，兩年前一度成為話題人物。噚日有周刊指變靚D美容中心老闆蕭定一搵咗呢位「A貨祖兒」加入整容大軍，稍後安排佢到韓國接受隆鼻、削下巴及磨腮骨手術，一於整到以假亂真。蕭定一噚晚接受本報電話訪問時話：「我哋喺初步洽商中，未動筆簽約。我聽過佢唱歌，佢聲底幾好，似王菲。」