唔少打工仔攞咗年終雙糧，就密謀跳槽過檔，喺《香港討論區》嘅會計界討論區內，PointGuard問面試時究竟要注意啲乜？唔知係咪見佢太緊張，會員若缺齋老人提供以下「貼士」，等佢輕鬆吓，或者咁樣面試效果會好啲！
考官：你有冇男朋友？
應徵者：有。
考官：他喺本地嗎？
應徵者：佢喺外地。
考官：對唔住，我哋唔可以用你。
應徵者：點解？
考官：你唔會安心喺度長期工作；另外，本公司都唔希望因為你令長途電話費大幅增加。
＊＊＊
考官：你有冇女朋友？
應徵者：冇。
考官：你追過女仔未？
應徵者：追過，但追唔到。
考官：你會唔會再追女仔？
應徵者：先努力工作，暫時不考慮。
考官：對唔住，本公司唔會用你。
應徵者：點解？
考官：你公關能力欠佳，而且缺乏自信。
＊＊＊
考官：你有冇男朋友？
應徵者：有。
考官：他有錢嘛？
應徵者：有，他自己開公司。
考官：對唔住，你男朋友都唔用你，我們就更加唔會用你。
應徵者：佢公司都冇適合我嘅職位。
考官：咁你讀乜㗎？
應徵者：秘書。
考官：對唔住，我們都唔會用你，靚女會影響我們經理工作。
應徵者：但我唔靚喎！
考官：咁更加唔得，我哋經理唔會對你有興趣。