上海電氣噚日又出通告，話董事李松堅（圖）因私人理由，喺噚日起辭去公司董事職務。公司仲話，李生喺辭職函件中確認，佢同董事會冇意見分歧，亦冇乜嘢需要知會股東咁話。
但其實份通告冇講一樣嘢，就係李生喺上月12號，已經因為涉嫌挪用公款而俾人拉咗，好以未放返㖭！
阿公拉人 手起刀落
講開上氣高層俾人拉，內地做事真係快而準，有關當局喺去年中發現有人涉及上海社保基金案及挪用公款，即刻手起刀落，先喺去年嘅8月頭拉咗總公司嘅前副總裁韓國璋，再拉埋上氣前董事長王成明，然係再幫非執董張榮坤埋單。搞咁耐，唔知件事完咗未呢？證監會有冇吉士去問吓？
[email protected]