潮州怒漢詹培忠噚日咬住「港幣應否同人民幣掛鈎」呢點，不斷追問任志剛，佢一口咬定任總有偏見，質疑任總點解話絕對唔肯畀港幣同人民幣掛鈎等等。
任總聽後唔知好嬲定好笑。佢回應話，美元係港幣合適掛鈎對象，港幣𠵱家唔適宜同人民幣掛鈎，但唔等如絕對唔可以，亦唔等如到咗2047年、2097年都唔可以，佢仲送詹培忠一句話：「詹議員講大咗喇！」
潮州怒漢豈會就此罷休？佢追問任總會唔會保證喺任內，人民幣可以實現同港幣掛鈎，更順勢窒埋任總，雖然外滙基金賺過千億，但係都唔可以因此自滿，因為有香港畢菲特之稱的四叔李兆基也賺到數百億元（「兆基財經企業」兩年靠買賣股票大賺500億元）。
為咗跟番詹議員嘅邏輯，任總只好回應話，佢都唔知自己任期會有幾長！
[email protected]