格拉斯球流浪中堅華亞，周一慘遭4名賊匪拎把開山刀入屋行劫，可憐大大嚿嘅華亞同埋3個仔女嚇到魂飛魄散！華亞剛由愛華頓加盟格流，但𠵱家仲住喺英國柴郡，今次佢損失咗5,000鎊（約76,000港元）、1隻名表同1部mini-cooper，好彩喺大賊搶嘢時，老婆同第4個仔出咗去行街，避過一劫，而華亞就同3個仔女都安全無恙，算係不幸中嘅大幸啦！