近日各大報章頭條、雜誌全版，分別刊出地鐵站將接通WiFi的廣告。不過要等到暑假，差不多成半年後先玩到，而且只貫通部份地鐵沿線，呢一份期待，對筆者而言吸引程度只是HalfandHalf。但談起WiFi，心裏面總係好雀躍，能拎起部手機、PDA、PSP或Notebook嚟上網，或開住遊戲機邊坐車邊同你雙打OnlineGame，嗰份感覺，真係好興奮；但玩之時，用WiFi其實亦要準備一份冒險精神，記得筆者到過唔同嘅外國酒店、機場、大型展覽廳使用WiFi嗰陣，差啲俾佢激死，好簡單……就係速度及連接都唔係好穩定，試諗吓，假如你正在Upload一個100MB檔案嘅時候，到99.9999%即將完成之際，突然間Cut線，所有東西化為烏有，你心臟能負荷多少次？當然，太過倚重WiFi似乎有一定風險，若只不過當佢作為一種方便自己、娛樂自己嘅服務，咁就最好不過。
文：徐柱共