唉！人老咗真係乜都冇情講。好多人都知「30歲」係阿仙奴球員嘅大忌，唔係被賣走就係逐年咁簽新約，估唔到連隊長亨利都有可能面對同一命運。據報今年將會踏入3字頭嘅亨利，季尾有機會以2,500萬鎊（約3.8億港元）賣畀巴塞或皇馬。阿仙奴之前又話亨利係非賣品，究竟係敵唔過個「錢」字吖，定係「30歲」嘅球員喺兵工廠冇運行呢？