揚明啱啱出道時，個款有啲似謝霆鋒，外形都唔算差，本來諗住佢應該有啲表現，但好衰唔衰佢又爛蒲，搞到個形象太差。噚日揚明喺柴灣漢華中學宣傳新劇《十兄弟》，就好坦白話𠵱家要守行為，揚明話：「我已經唔敢去蒲，嗰晚又俾人影到，其實係同訓練班同學畢業食飯再去飲嘢慶祝，之後都有同公司解釋，好彩《珠光寶氣》仲有份拍。」