衞蘭噚日接受商台電話訪問，講番十八歲時嘅初戀，維持一年就散咗，講緊嘅咪係Rosemary前男友Gordon囉。衞蘭話：「呢個人變咗，之前雜誌登我哋嘅相，我好唔開心，呢件事令我更小心男人。」雖然係咁，衞蘭都自爆暗戀圈中人，但就點都唔肯講係邊個。衞蘭演唱會噚日開始賣飛，佢話因為門票貴過許冠傑同徐小鳳，怕啲學生fans唔夠錢買飛，想送飛畀fans睇喎。