真皮手袋質感柔軟，甚受歡迎。有女士在Rabeanco專門店購買一個貴價牛皮手袋，豈料使用兩次袋身已出現磨損，要求跟進時，反被指穿着牛仔褲孭袋及使用不當所致，事主不滿該公司未有提醒客人有關皮料特質及使用須知，對事件甚感寃屈。
讀者劉小姐去年九月以1,000多元，在Rabeanco專門店購買一個淺啡色真皮手袋，送給友人作生日禮物，友人收到禮物後即時使用，但不到10天，使用僅兩次，手袋近底部的皮面即出現白色花痕，即交回該公司跟進。劉小姐表示，當時職員指其友人孭手袋時穿着牛仔褲，致袋身被磨損，並留下痕迹。
消費者拒付費換皮
劉小姐忿言﹕「孭手袋冇理由唔畀着牛仔褲，而且買手袋時職員冇講個袋咁易刮花，袋入面又無卡仔提醒啲客！事後我哋要求跟進，講咗成個鐘，職員先同意攞個袋去檢查。結果佢哋話係我哋不正確使用造成，唔喺保養範圍內，要畀500蚊換皮，好唔合理！」
Rabeanco零售營運部經理麥淑貞回覆，經該公司產品品質檢定部檢查結果顯示，劉小姐所購手袋是因不正常使用，導致磨損，此情況不包括在公司提供之免費維修保養服務範圍內，故建議支付500元費用為手袋換皮，惟劉小姐拒絕有關安排。
記者曾向麥淑貞查詢該公司是否有在手袋中附贈小卡片，提醒客人皮料特性及使用時須注意事項，獲覆該公司一般只會為使用較特別皮種製成的手袋，如容易脫色的麖皮等，加上標籤，提醒客人使用時須注意事項。
她稱由於劉小姐所購買型號手袋的皮種並無特別，屬普通牛皮，故公司不會特別附加標籤。
個案編號：1215015