人總係八卦，好多時想知今世運程外，又對上世自己係乜人充滿好奇心。講真呢啲八卦占卜我都好鍾意玩，信唔信係另一回事，咪當玩個遊戲囉！最近搵到個「測測你上輩子是甚麼人……」的占卜，玩法係將你嘅出生年月日相加起來，直至變成個位數字為止，然後參考番個解說表，就知自己係乜人。先講吓1至9嘅答案係乜先，由1開始分別係皇室貴族、非漢人、有錢人、讀書人、武將、非人類、三級貧戶、表演者及出家人。一於用身邊同事嘅出生年月日計一計，呢位男同事係1975年4月1日出世（1+9+7+5+4+1=27→2+7=9)，得出的答案是9，上世係出家人！OhNo！唔係嘛，照我睇呢位男同事今世人超級口花花，一啲都無出家人敦厚嘅特質，唔通上世清心寡慾齋足成世，今世要佔番晒附近女人嘅口頭便宜？
記者：區佩嫦
網址： http://failforum.net/forum/viewthread.php?tid=385621&extra=page%3D2