好耐冇提過SonyEricsson嘅名字，到聽日，大家就有機會預覽該公司於07年推出嘅6款大作，仲係全球同步發布，食住響巴塞隆拿搞3GSMCongress之前飲頭啖湯，心水清嘅話實估到係堅嘢！雖然單料好爆，但係有Blog友始終存保守心態，甚至懷疑會否像去年一樣，出現「胎死腹中」嘅P990翻版，由期待心情直插落谷底，諗起都悲；或者P990只係純粹意外，話晒到6月份iPhone就正式推出，話就話香港要到08年先有運行，但水貨佬又點會執輸唔入定英文機呢？相信聰明嘅SE已諗定好部署，呢次預覽擺明衝住iPhone而來，究竟有乜新Design新分唇俾你大開眼界？明天揭盅！
記者：陳國輝