青島啤最近獲頒2006年度20大「人民社會責任獎」及50強「人民信賴品牌獎」，佢哋總裁金志國更獲選為06年度10大「人民尊敬企業家」，獲得此殊榮仲包括長實主席李嘉誠，不過今次評審準則有冇計算到和黃最近宣布回收嘅北京樓盤，華華就不得而知。
今次三項人民大獎評選活動係由《人民網》主辦，目的係表揚有傑出貢獻嘅企業家、企業同品牌，今時今日內地高科技產品充斥，蘇丹紅鴨蛋、孔雀石綠淡水魚記憶猶新，揭發假酒、假蛋亦時有所聞，要獲得人民信賴殊不容易，青啤同時獲得三項人民大獎，總算係對呢個民族品牌嘅肯定。
近排青啤股價就唔係太理想，噚日再回吐超過3%收13.7元，不過其實隻股喺去年12月由10元起步，短短一個多月曾炒高至17元，睇來青啤唔止受到人民歡迎，亦受到投資者青睞。
[email protected]