香港號稱是兩性最平等的國際都會之一，但男女真的可以平起平坐嗎？contingenf日前在火車上看到一名「男奴」的行徑令他甚感慨，如骨在喉不吐不快，「男人們，有啲男子氣概好冇？真係唔like都唔會出聲，自己谷住，呢啲唔係叫gentlemen，係叫小男人呀！」
有人自得其樂
動氣是因為目睹火車上一對男女的行為，「個男奴除咗自己有個背囊外，仲幫娘娘（女朋友）攞住個紅色手袋仔，又不停問佢口渴嗎，飲唔飲水；又問係咪好凍，使唔使摟多件衫。小貴子對娘娘真係呵護備至！」
他認為現時香港街頭越來越多此等「男奴」，「佢哋不但冇覺得委屈，反而一臉幸福，心甘命抵侍候娘娘。」「男奴論」在Copycat論壇引起網民激辯，k.e.認為男女間相處方式無分對錯，「人有不同生活方式，只要佢本人覺得冇問題，有咩唔可以做？」阿芬稱有人愛做「男奴」悉隨尊便，「佢自得其樂，唔通走上去鬧醒佢？」Louis指愛情總是「一個願打，一個願捱，唔好理人咁多啦。」