廖碧兒噚日喺銅鑼灣擔任電腦產品嘉賓，佢第二次同對方合作，問酬勞有冇加碼，佢話：「都有加嘅，幾好喇！」提到情人節就快到，佢話要開工，又聲稱𠵱家冇男友，所以唔使特別慶祝，佢話：「我都冇男朋友，所以嗰日冇人約，年年都係咁過。」問到有冇準備禮物送畀緋聞男友陳豪時，碧兒話：「女仔唔使送嘅，外國係男仔送畀女仔㗎。」