草蜢鬥姣鬥妖，最近更鬥解放，三人在新歌《Forever》的特別版MV內，帶出人生來去皆空意念，於是大膽露股演出，做光豬三壯士，光滑堅挺屁股任欣賞。這個特別版MV連卡拉OK內都看不到，只由大前晚開始供演唱會上播放，觀眾看後無不嘩然，相當突破。
草蜢在紅館舉行一連三場「草蜢演唱會2007」前晚圓滿結束，三子除與女舞蹈員及嘉賓關淑怡大跳火辣貼身舞外，原來由第二場開始，他們還大解放，在演唱會尾段播放最新露股MV。
觀眾反應大
草蜢三人為今次演唱會特地錄製主題新歌《Forever》，由大前晚開始，當他們在演唱會尾聲唱該曲時，現場大螢幕即播放其特別版MV，只見鏡頭起初拍攝三人赤膊唱歌，後來鏡頭逐漸見到全身，他們徐徐轉身離去，讓光滑屁股呈現眼前，草蜢屁股逐一出場，最後是三人一同出場，看得現場觀眾無不嘩然，蘇志威及蔡一智分別說：「冇乜嘢啫。」
最後，草蜢三子唱《飛躍舞台》前，特別跪地仰天答謝師傅梅艷芳，整個演唱會在兩度安歌後結束，場館着燈兼廣播請觀眾離場達五次，觀眾仍叫安歌不肯離開，最後在工作人員勸喻後才陸續散場，尾場超時被罰6萬多元。
慶功宴上，談到露股的大膽演出，蔡一智說：「個概念forever係講世界上冇嘢係永恒，BB出世乜嘢都冇帶嚟，走時都冇嘢帶得走。其實冇乜嘢呀，成龍大哥都係咁樣拍戲。」傑仔附和說：「我哋大巫見小巫啫。」有指他們的屁股很堅挺，事先有否刻意操弗？傑仔說：「OK啦，過得去啦。」蘇志威說：「唔使呀嘛，練股肌咩？」傑仔又說：「大家用另一個眼光睇啦，用純真嘅眼光去睇純真嘅草蜢。」
女導演操刀
被問到光脫脫不害羞嗎？阿智說：「妖，由細玩到大，細個時見到阿細着開襠褲啦。」傑仔說：「平時游水、露營，玩咗十幾年，你有我都有啦。」阿智又謂：「之前去日本拍嘢，浸溫泉都睇晒啦。我哋拍時有嘢遮㗎，剪片師同導演都係女仔，佢哋都冇乜驚訝。」
採訪：王連連
攝影：陳偉權
