「吸毒係咪你拿手？」古天樂在電影《門徒》中飾演道友，他昨日宣傳電影時，商台女DJ謝茜嘉竟問他以上問題，令古仔大感愕然，現場嘩聲四起，他惟有苦笑說做了很多資料搜集去演好角色，都算反應快，兜得住。
古天樂和吳彥祖昨日在青衣城出席電影《門徒》的宣傳活動，兩人在台上暢談演繹角色感受，但商台女DJ謝茜嘉以大會司儀身份公然問古仔：「吸毒係咪你拿手？」他先一呆，然後說：「我做過好多research（資料搜集）去演呢個角色。」
幫司儀解畫
事後古仔接受記者訪問，也不禁搖頭苦笑，但也為對方解釋，他說：「我知個司儀咁講，我聽到，我當時諗點反應佢好呢？我諗佢先問吳彥祖做警察係咪你拿手，咪再用同一個問題問我囉。」
《門徒》將於賀歲檔上畫，由於戲種涉及黑幫及毒品，有人覺得不適合新春合家歡檔上映，對此古仔卻持不同意見，他說：「大家都避忌敏感題材，亦都有人話新年睇咁嘅戲會心噏，其實我哋係想帶個正面訊息畀大家聽，吸毒會帶走晒你所有嘢，我反而好有信心，因為之前有《霍元甲》做辦，只要戲好一樣收得。」
吳彥祖停工
此外，吳彥祖剛於南非及美國度假回港，並會休假至7月，他說：「之前忙咗兩年，好想休息下，我報咗名去美國讀兩個月演戲課程，返內地拍戲發覺自己同其他人演技好唔同，人哋好多係專科畢業，我要靠自己去揣摩角色，所以想進修，女朋友到時都會去探我。」
吳彥祖的胞姊最近結婚，問他會否在這數月假期也計劃與女友結婚？他說：「冇咁快，因為知道自己冇時間湊小朋友，我會等到有一日冇人再搵我拍戲時先會結婚湊BB。」
採訪、攝影：魯萍
