陳慧琳（Kelly）同林峯噚日喺將軍澳電視廣播城為2007北京新春大聯歡排舞，早前Kelly公開不滿無綫獎項安排，關係決裂，今次呢個節目無綫都有份，Kelly不但如常出席，仲話：「我哋關係冇嘢，你見我成日喺TVB仲有事咩，嚟緊有啱嘅工作同有期都會繼續合作。」今次表演同林峯會有親密接觸，Kelly話：「習慣咗唔介意，做新人時就會尷尬。」