鄧梓峰噚日喺銅鑼灣睇《莎樂的神奇網網》優先場，佢做咗湊仔公，一拖四帶埋兩個女同一對孖仔嚟睇戲，佢話好享受親子樂：「因為小朋友大得好快，盡量會陪佢哋多啲，到佢哋大個就唔睬我。加上套戲係文學名著，啲英文都幾深，只係比《哈利波特》淺少少，唔會覺得悶。」問鄧梓峰農曆新年有乜嘢活動，佢話會留港度歲：「初一到初三要開工，所以寧願留番復活節先出外旅行。」