每到情人節，男士為博紅顏一笑，總要費煞思量，最開心的莫過於花店和珠寶商人，可坐地起價賺大錢。有港男認為要打擊奸商，在網上發起三不送行動，「不要讓港女得逞！今年個個都唔好買花，唔好買公仔，唔好送卡，無謂被奸商鋸到自己一頸血！」
「港男們，今年情人節不要買任何東西給女朋友了！」網名「替天行道」的港男在香港討論區發出這呼籲，網民反應熱烈，至今已有近5,000人次瀏覽，有逾300人回覆。他一方面請「港男們多多支持」，另一方面亦希望女士加入「三不買」行列，「今時今日收禮物已經係辦公室政治一部份，而且奸商又將男男女女的感情和利潤掛鈎，作為女士，你哋都應該為大家嘅未來着想，唔好收禮物，亦唔好送禮物，儲吓錢。」
獨身網友：想送都冇得送
不過，只有少數男性網民響應情人節「三不送」行動，網民「細蚊仔」說：「一年一次，咁都詐型，刺激吓經濟都好吖！」女網民gigi稱，「好多女仔其實係因為男朋友份心意而開心，唔在乎價錢。」最無奈還是依然獨身的網民，「想送都冇得送」，九哥慨歎，「冇錯呀！我都贊成唔好俾奸商得逞，但首先搵人教吓我點先搵到女朋友。」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]